Բրիտանացի դերասան Ջուդ Լոուն կմարմնավորի Վլադիմիր Պուտինին Օլիվյե Ասայասի «Կրեմլի հրաշագործը» ֆիլմում։
Ֆրանսիացի ռեժիսորի աշխատանքը Ջուլիանո դա Էմպոլիի վեպի կինոադապտացիայի վրա հայտնի դարձավ 2024 թվականի մայիսի կեսերին, գրում է Variety ամսագիրը։
Ֆիլմը պատմում է Վլադիմիր Պուտինի քաղաքական կարիերայի սկզբի մասին քաղաքական ստրատեգի տեսանկյունից, ով սկսել է համագործակցել «ԱԴԾ խոստումնալից սպայի» հետ Խորհրդային Միության փլուզումից հետո։
Ասայասը գալիք ֆիլմը համեմատում է ահաբեկիչ Իլիչ Ռամիրես Սանչեսի մասին պատմող իր Կարլոսի մինի-սերիալի հետ և ԱՄՆ-ում կուբայական լրտեսական ցանցի մասին պատմող «Մայամիի աֆերիզմը» լրտեսական ֆիլմի հետ:
Լոուն Deadline-ին ասել է, որ դեռ չի սկսել աշխատել դերի վրա.
«Հիմա ես զգում եմ, որ կանգնած եմ Էվերեստի ստորոտին, նայում եմ վերև և մտածում. «Աստված իմ, ինչո՞ւ ես համաձայնեցի դա անել»:
Ֆիլմում կնկարահանվեն նաև Ալիսիա Վիկանդերը, Փոլ Դանոն, Զաք Գալիֆիանակիսը և Թոմ Սթարիջը։ Նկարահանումները նախատեսվում է սկսել հունվարին։
