Ինչպես արդեն տեղեկացրել էինք՝ այսօր տեղի ունեցավ ԱԱԾ նախկին տնօրեն Գեորգի Կուտոյանի հոգեհանգստի արարողությունը: Կուտոյանին հրաժեշտ տալու էին եկել էքս նախագահ Սերժ Սարգսյանը, ՀՀԿ-ականներ, ուժայինների նախկին բարձրաստիճան պաշտոնյաներ՝ Յուրի Խաչատուրովը, Վլադիմիր Գասպարյանը, Լևոն Երանոսյանը, ներկա էր գլխավոր դատախազ Արթուր Դավթյանը: Իշխանական թևից ներկայացել էին իմքայլական պատգամավոր Սիսակ Գաբրիելյանը, ԱԱԾ տնօրենի ժամանակավոր պաշտոնակատար Էդուարդ Մարտիրոսյանը, ծաղկեպսակ էր ուղարկել առողջապահության նախարար Արսեն Թորոսյանը: Վարչապետ Փաշինյանը, հիշեցնենք, ցավակցական ուղերձ չէր հղել Կուտոյանների ընտանիքին, միայն կառավարության լրատվական վարչությունից էին ասել, որ վարչապետը ցավակցում է: Փաշինյանը նույնիսկ ծաղկեպսակ չէր ուղարկել, սգո սրահի աջ և ձախ կողմերում տեղադրված էին Սերժ Սարգսյանի և նախագահ Արմեն Սարգսյանի կողմից ուղարկված ծաղկեպսակները:
