Հանրապետության նախագահ Արմեն Սարգսյանի տարածած երկակի հայտարարությունից հետո տեղեկություն տարածվեց, որ Հայրենիքի փրկության շարժման ներկայացուցիչները հանդիպում են պահանջել Արմեն Սարգսյանի հետ։
Տեղեկությունը ճիշտ էր։ Մեզ ասացին, որ ՀՓՇ անդամները դիմել են նախագահին հանդիպման համար, և պատասխան ստացել, որ մեկ ժամվա ընթացքում հանդիպումը կկայանա։ Հանդիպումից հետո Հայրենիքի փրկության շարժման անդամները հավանաբար հանդես կգան հայտարարությամբ և կմեկնաբանեն նախագահի հայտարարությունը, նաև կներկայացնեն, թե ինչ են քննարկել նախագահի հետ։
