Գործարար, նախկին պատգամավոր Տիգրան Արզաքանցյանը, որի անձնական կյանքը վերջին շրջանում մամուլի ուշադրության կենտրոնում է, շարունակում է ակտիվ լինել սոցիալական հարթակներում։
Հիշեցնենք, որ Նատալիա Ռոտենբերգի հետ նրա բաժանումից հետո մամուլում բազմիցս հրապարակումներ եղան՝ ուղեկցվելով տարբեր պնդումներով, այդ թվում՝ Նատալիա Ռոտենբերգի նկատմամբ ենթադրյալ բռնության մասին։ Ինքը՝ Արզաքանցյանը, շարունակում է հրապարակումներ անել՝ իր առօրյայից դրվագներ ներկայացնելով։
Այս անգամ նա կարճ տեսանյութ է հրապարակել դստեր՝ Անիի հետ՝ նշելով, որ օրը հատուկ նշանակություն ունի իր համար, քանի որ դուստրը երկար դադարից հետո այցելել է իրեն։
«Այսօր ինձ համար երջանիկ օր է. Իմ աղջիկը`Անին, եկել է ինձ հյուր։ Երկար ժամանակ էր՝ չէր եկել, ու շատ ուրախ եմ, որ այսօր միասին ենք։ Ամբողջ օրը նվիրելու ենք իրար»,– նշել է նա` տեսանյութին կից։
