«Հրապարակի» տեղեկություններով, Հանրային հեռուստատեսությունը երկուշաբթի «Դվին»-ում ամանորյա մեծ տոնակատարություն է կազմակերպել: Նախորդ երկու տարիներին ևս Դվինում են տոնել Ամանորը, շատ ճոխ ու շքեղ միջավայրում:
Տեղեկացանք, որ հեռուստաընկերության բոլոր աշխատողները հրավիրված են, հրավիրյալների թվում են նաև ՔՊ-ական պատգամավորներ, նախարարներ, պաշտոնյաներ, իշխանական ակումբը, ինչպես նաև տարվա ընթացքում Հանրայինի եթերում իշխանությունների օգտին քարոզչություն իրականացրած քաղաքական գործիչները, փորձագետները և այլք:
Հատկանշանական է, որ աշխատակիցները այս քեֆի համար չեն վճարում, ամենայն հավանականությամբ այս թանկարժեք ծախսն էլ է արվում «հերոս» հարկատուների հաշվին:
