Ամբողջ երկիրը խայտառակ ա եղել՝ հայ ժողովրդի հետ միասին

«Հրապարակի» հարցերին պատասխանում է զինված ուժերի գնդապետ Կորյուն Ղումաշյանը:

- Գրիգորի Խաչատուրովը օրեր առաջ ձերբակալվեց, քննիչը կալանքի միջնորդություն ներկայացրեց, սակայն դատարանը կալանքի սանկցիա չտվեց եւ նա ազատ արձակվեց։ Սեյրան Օհանյան, Վիտալի Բալասյանյան, Միքայել Արզումանյան և էլի ուրիշներ, որոնք ավանդ ունեն հայկական բանակի կայացման գործում, իրավապահների կողմից հետապնդումների են ենթարկվում: Ի՞նչ գնահատական կտաք այս ամենին:

- Ես ոչ մի քաղաքական բանի հետ գործ չունեմ:

- Դա քաղաքական հա՞րց եք համարում՝ զինվորականների դեմ առաջադրված մեղադրանքները։ Դուք գնդապետ եք, Ձեզ չի՞ հետաքրքրում, թե ինչպես են վարվում բարձրաստիճան զինվորականների հետ:

- Ինձ մոռացեք:

- Վախենու՞մ եք ինչ-որ բանից:

- Երկրից խոսենք, բանակից խոսենք, բանակը հզորացնելուց խոսենք՝ խնդրեմ:

- Բանակում ավանդ ունեցող մարդկանց են ձերբակալում:

- Ո՞ւմ են բռնել:

- Գրիգորի Խաչատուրովին:

- Հորը, թե՞ տղուն:

- Որդուն՝ Գրիգորի Խաչատուրովին:

- Հա բռնել են, կթողեն, ինչ ա եղել, որ: Մեր երկիրն աշխարհի առաջ խայտառակ ա եղել, ինչ մարդու մասին ա խոսքը:

- Ինչո՞ւ է երկիրը խայտառակ եղել:

- Մեռնեմ ջանիդ, ցավդ տանեմ, մի խոսցրու էլի, ինչ կլնի, ես չգիտեմ: Ամբողջ երկիրը խայտառակ ա եղել, հայ ժողովրդի հետ միասին: Վերջ: Թող ամեն մեկը մտածի, թե խի: Ջայլամների պես գլուխները կոխել են ավազի մեջ, էս ա մեր ժողովրդի վիճակը:

- Արցախն արդեն երկու ամիս է բլոկադայի մեջ է, այդ մասին էլ չեք խոսում:

- Ես քեզ լավ եմ հասկանում, ցավդ տանեմ, ուղղակի չեմ ուզում խոսամ, մի խառնի ինձ, ես գործ եմ անում, թողեք իմ գործին մնամ:

- Ի՞նչ գործ եք անում:

- Էդ մեկը չեմ կարա ասեմ: Պետք չի, էլի:

- Վախենո՞ւմ եք խոսել, մտածում եք կհետապնդե՞ն Ձեզ:

- Ինչի՞ պիտի հետապնդեն: Ես քաղաքականությամբ չեմ զբաղվում: Այդ հարցերը տվեք իշխանական թևին՝ եթե կա և օպոզիցիային տվեք հարցեր: Ես հիմա թոշակառու մարդ եմ, զինվորական չեմ հիմա: