«Ալադդին» մանկապարտեզում տնօրենը հարվածում է երեխային․ դատախազությունն ուսումնասիրում է
Համացանցում տեսանյութ է տարածվել, որտեղ երեւում է, որ մանկապարտեզներից մեկում աշխատակիցներից մեկը հարվածում է երեխային, ապա գոռում նրա վրա։
Ըստ տեղեկությունների, դեպքը տեղի է ունեցել «Ալադդին կիդս քլաբ» մսուր-մանկապարտեզում, երեխային հարվածողն էլ կենտրոնի տնօրենն է Աննա Հարությունյանը։
Նշենք, որ մանկապարտեզը մասնավոր է, յույրաքանչյուր երեխայի համար վարձը 90 հազար դրամ է։
Մենք փորձեցինք կապ հաստատել մանկապարտեզի տնօրենի հետ, սակայն մեր հեռախոսազանգերին նա չպատասխանեց։
Գլխավոր դատախազությունից տեսանյութի վերաբերյալ մեզ փոխանցեցին, որ դատախազությունն ուսումնասիրում է սոցիալական ցանցերում առկա հրապարակումները, մանրամասները կփոխանցեն ավելի ուշ։
Կարծիքներ