Ուկրաինայի նախագահ Վլադիմիր Զելենսկին կարող է Լեհաստանում հանդիպել ԱՄՆ նախագահ Ջո Բայդենի հետ։Այդ մասին հայտնում է Dziennik Gazeta Prawna լեհական հրատարակությունը։
«Եթե ոչ մի արտառոց բան տեղի չունենա, ապա Ուկրաինայի նախագահ Վլադիմիր Զելենսկին մոտ ապագայում պաշտոնական այցով կմեկնի Լեհաստան։ Մենք ավարտում ենք դրա նախապատրաստումը»,- ասել են Ուկրաինայի իշխանություններին մոտ կանգնած աղբյուրները:
Լրատվամիջոցների տեղեկություններով՝ դա, ամենայն հավանականությամբ, տեղի կունենա, երբ Բայդենը ժամանի Վարշավա կամ Ժեշուվ։
