Զոհված, գերի ընկած ու անհետ կորած զինծառայողների ծնողները շրջափակել են պաշտպանության նախարարության շենքը: Նրանք պահանջում են իրենց երեխաներին: Այս մասին մեզ հաղորդեց ՊՆ աղբյուրը: Նախարարության աշխատակիցները չեն կարողանում դուրս գալ շենքից, գնալ տուն: Մինչ այս պահը նրանք գտնվում են նախարարության շենքում: Բոլոր ելքերը փակ են: Ոստիկանության մեծ ուժեր են բերվել, սակայն որևէ գործողություն չի ձեռնարկում, չի ազդում իրավիճակի վրա: Բողոքի ակցիայի մասնակիցները համացանցով իրենց միանալու կոչեր են անում: Տեղում լրատվամիջոցների ներկայացուցիչներ չկան:
