Ռուսաստանին հարևան երկրները գնալով ավելի շատ են գնում գերմանական ապրանքներ և, հավանաբար, շրջանցելով արևմտյան պատժամիջոցները, դրանք վաճառում են Մոսկվային, գրում է Der Spiegel-ը։
Հոդվածում, մասնավորապես, ասվում է, որ Հայաստանը երկու տարվա ընթացքում չորս անգամ ավելացրել է արտահանումը դեպի Ռուսաստան՝ հասնցնելով այն մոտ 2,5 միլիարդ դոլարի։
Բացի ավանդական մրգերից ու ընկույզից, ինչպես նաև «Արարատ» մակնշմամբ գինուց ու կոնյակից, վերջին մեկ տարում Հայաստանը սկսել է արտահանել բարձր տեխնոլոգիական և արդյունաբերական բոլոր տեսակի ապրանքներ, գրում է թերթը։
2022 թվականին Հայաստանը ռուս հաճախորդներին մատակարարել է 460 մլն դոլարի էլեկտրոնային սարքավորումներ։ Նշվում է, որ տեխնիկայի վաճառքը 14 մլն դոլարից հասել է 158 մլն դոլարի:
Դեկտեմբերին գերմանական ընկերությունների արտահանման եկամուտը հայկական բիզնեսից 287%-ով բարձր է եղել 2018-2020 թվականների միջին ցուցանիշից։
