Որդուն Նիկոլ անվանած մարդը ԹԻՎ1-ի գործադիր տնօրենն է

Hraparak.am-ի տեղեկություններով, Tiv1.am կայքը ֆինանանսավորող ռուսաստանցի Նորայր անունով գործարարը դեռ նոյեմբերին, երբ վճարման հետ կապված խնդիրներ են առաջացել, կայքի խմբագրակազմին հայտնել էր, որ փոխանցել են աշխատավարձերն ու մյուս գումարները, և խնդիրը բանկերի հետ է կապված։

Հիշեցնենք, որ ԹԻՎ1 հիմնադիր թիմ և գլխավոր խմբագիր Վարդուհի Սիմոնյանը ֆեյսբուքյան իր էջում  «Հաղորդում հանցագործության մասին» վերնագրով հրապարակում էր արել, որ կայքն արդեն 16 օր է, փակված է, առանց հիմնադիր կազմին և գլխավոր խմբագրին ծանուցելու․ ամբողջ թիմը, առանց բացառության, ինչպես նաև գլխավոր խմբագիր Վարդուհի Սիմոնյանը առանց որևէ նախազգուշացման հեռացված են աշխատանքից: Իսկ աշխատավայրի բոլոր փականները փոխված են, և աշխատակիցները չեն կարողանում այնտեղ մուտք գործել՝ անգամ սեփական իրերը վերցնելու, համակարգիչներից անձնական տվյալները ջնջելու համար:

Ամեն ամիս, օրն ամենաքիչը 10-ժամյա գրաֆիկով աշխատող ստեղծագործական կազմի հետ հրաժարվել են կնքել աշխատանքային պայմանագրեր և չեն վճարել դեռևս նախորդ տարվա նոյեմբեր-դեկտեմբեր ամիսների աշխատավարձը, անգամ պարտքի մասով պարտավորագիր գրելուց հետո:

Նշենք, որ կայքի սեփականատերը Էդգար Բաբայանն է, այն երիտասարդը, որը հեղափոխությունից հետո ծնված որդու անունը դրեց Նիկոլ։ Ինչպես հաղորդվեց, նա երբևէ չի հրաժարվել գումարները վերադարձնելուց, իսկ Էդգար Բաբայանն էլ՝ որպես գործադիր տնօրեն, դեկտեմբերի 29-ին պարտավորագիր է գրել առ այն, որ պատրաստվում է վճարել։ Դրանից հետո, սակայն, ընկերներով մուտք են գործել խմբագրություն և այնտեղից տարել տեխնիկան։