Կենտրոն վարչական շրջանի ղեկավար Վիկտոր Մնացականյանի հրաժարականի դիմումի վերաբերյալ «Հրապարակը» մեկնաբանություն խնդրեց Երևանի քաղաքապետ Հայկ Մարությանի խոսնակ Հակոբ Կարապետյանից։ Վերջինս ասաց, որ որևէ մեկնաբանություն՝ ավելացնելու համար Վիկտոր Մնացականյանի ասածին՝ չունի, նա ամեն ինչի մասին մանրամասն գրել է։
Հիշեցնենք,Կենտրոն վարչական շրջանի ղեկավարն իր ֆեյսբուքյան գրառման մեջ ասել էր․«Հիմա ուզում եմ հայտարարել, որ ներկայացրել եմ աշխատանքից ազատվելու դիմում: Այս որոշումը կայացրել եմ, քանի որ ցանկանում եմ զբաղվել քաղաքային հիմնախնդիրների խորքային ուսումնասիրությամբ և ուրբանիստիկան մեր ամենօրյա կյանքի անբաժան մասը դարձնելու նպատակով»։
Հակոբ Կարապետյանը միայն ասաց, որ գրառումից առաջ Մնացականյանը, բնականաբար, իր որոշման մասին տեղեկացրել է Հայկ Մարությանին։ Ինքը՝ Վիկտոր Մնացականյանը ֆեյսբուքյան գրառումն արել է եւ անհետացել՝ անջատել է հեռախոսները եւ ոչ մեկի հետ կապի դուրս չի գալիս։ Կենտրոնի թաղապետարանի աշխատակիցների համար էլ է նրա հրաժարականը եղել անսպասելի՝ նրանք այդ մասին իմացել են Մնացականյանի ֆեյսբուքյան գրառումից։
