3-րդ բանակային կորպուսի նախկին հրամանատար, գեներալ Գրիգորի Խաչատուրովին ձերբակալել է ԱԱԾ քննչական դեպարտամենտը։
Մեղադրանքն առնչվում է Սեյրան Օհանյանի գործին: Զորամասը, որը մասնավորեցվել է ոչ պիտանի լինելու հիմքով, ըստ գլխավոր դատախազի, օտարվել է Գրիգորի Խաչատուրովի հետ առնչություն ունեցող անձի: Սեյրան Օհանյանին անձեռնմխելիությունից զրկելու միջնորդությունը ներկայացնելիս Աննա Վարդապետյանը քանիցս հնչեցրեց Գրիգորի Խաչատուրովի անունը և հայտարարեց, որ գործի քննությունը շարունակվում է նաև այլ անձանց մասով: Հասկանալի դարձավ, որ իշխանությունների հաջորդ զոհը Խաչատուրովն է լինելու:
