Սոլակի գյուղապետը «դեբո՞ շ» է սարքել գյուղում

Օրեր առաջ անրադարձել էինք Կոտայքի մարզի Սոլակ համայնքին: Գրել էինք, որ համայնքի ղեկավար Էդգար Խաչատրյանի հորդորով մանկապարտեզի աշխատակիցները ազատման դիմում են գրել:

Նյութի հրապարակումից հետո գյուղապետը չի ալարել եւ իր ֆեյսբուքյան էջում գրել էր, որ մենք ապատեղեկատվություն ենք տարածում: Գյուղապետի այս գրառումից ոգեւորված, իր իսկ կողմակիցները սկսում են մեկնաբանություններով քաջալերել գյուղապետին. «Գազ տուր Էդո ջան, դուխով՝ մենք քո հետ ենք» եւ այլն:

Գյուղապետը գրած մեկնաբանություններից «դուխ» է առնում, եւ ըստ մեր տեղեկությունների՝ օրեր առաջ բանակի քեֆի արարողությունից հետո գյուղում «դեբոշ» է սարքում, որի ընթացքում վնասում է ձեռքը: Եվ որպեսզի այդ մասին ոչ ոք չիմանա, չի դիմում բժշկական կենտրոն:

Տեղեկությունը ճշտելու համար զանգահարեցինք Սոլակի գյուղապետ Էդգար Խաչատրյանին: Խաչատրյանը մեր հարցը լսելուց հետո ասաց. «Սուտ են ասում նման բան չկա, ով որ քեզ ասել ա էդ ինֆորմացիան, սուտա, ձեռքս ցավում ա ուղղակի կապել եմ»: