Էլմար Մամեդյարովը հրաժարական է տվել

Ադրբեջանի նախագահ Իլհամ Ալիեւը այսօր հայտարարել է, որ չի կարողացել գտնել ԱԳ նախարար Էլմար Մամեդյարովին։ Ադրբեջանական կառավարության այսօրվա նիստի ժամանակ Իլհամ Ալիեւը սուր քննադատության է ենթարկել ԱԳ նախարարության աշխատանքը։ Նա նույնիսկ նկատել է, որ Մամեդյարովը ներկա չէ, ինչին վարչապետ Ալի Ասադովը հայտարարել է, որ ինքը կապ է հաստատել Մամեդյարովի հետ, եւ վերջինս ասել է, որ աշխատում է տանից, ինչը Ալիեւի զարմանքն է հարուցել։ Ալիեւը նաեւ ասել է, որ արտաքին քաղաքական գերատեսչության աշխատանքից դժգոհ է, քանի որ չի անում այն, ինչը անհրաժեշտ է թեկուզ Ղարաբաղյան հարցով։ Ալիեւը շեշտել է․ որ չպետք է վախենալ ասել ինչ որ հարկ է, հանուն այն բանի, որ հաճոյանաս մեկ ուրիշին։