Ինչո՞ւմ է մեղադրվում Արտակ Գալստյանի փաստաբանը
Քիչ առաջ մենք գրել էինք, որ «Հրապարակի» տեղեկություններով` այսօր ձերբակալվել է փաստաբան Սուսաննա Սարգսյանն, ով ստանձնել էր «Հանրային ձայն» կուսակցության նախագահ Արտակ Գալստյանի փաստաբանի լիազորությունները:
Քննչական կոմիտեից Գոռ Աբրահամյանը մեզ հետ զրույցում հաստատեց մեր տեղեկությունը, սակայն նշեց, որ պատճառների մասին ոչինչ ասել չի կարող, վաղն այդ մասին Քննչական կոմիտեն հայտարարություն կտարածի:
Սուսաննա Սարգսյանի փաստաբան Արսեն Մկրտչյանը մեզ հետ զրույցում ասաց հետևյալը. «Ֆորմալ առումով կա մեղադրանք` Քրեական օրենսգրքի 255-րդ հոդվածով` խարդախություն, այլ բան ասել չեմ կարող», - նշեց փաստաբանը:
Մեր այն հարցին, թե այս գործն առնչություն ունի՞ Արտակ Գալստյանի գործի հետ, մեր զրուցակիցն ասաց. «Ըստ էության ոչ, սակայն իմ կարծիքը կարող է լինել սուբյեկտիվ»:
Կարծիքներ