Մեր տեղեկություններով՝ այսօր առավոտյան Հակակոռուպցիոն կոմիտեի կողմից ձերբակալվել են Երեւանի քաղաքապետարանի աշխատակազմի նախկին ղեկավար Սեյրան Մեջլումյանը եւ ճարտարապետության և քաղաքաշինության վարչության պետի տեղակալ, վարչության պետի պաշտոնակատար Դավիթ Դալլաքյանը։
Նշենք,որ ավելի վաղ մամուլում գրվել էր Մեջլումյանի կոռուպցիոն մեխանիզմների մասին։ Հիշեցնենք, որ Մեջլումյանը մարտի 17-ին պաշտոնից ազատման դիմում էր գրել։
Հակակոռուպցիոն կոմիտեից հաստատեցին այս տեղեկությունը՝ նշելով, որ իրենց վարույթում քննվող քրեական գործի շրջանակներում են ձերբակալվել։ Այլ մանրամասներ չհայտնեցին՝ ասելով, որ կտարածեն հաղորդագրություն։
