Նիկոլ Փաշինյանն այս պահին ԱԺ ամբիոնից խոսում է Հայաստանի տնտեսական ակտիվության ինդեքսից, որը, նրա խոսքով, ըստ միջազգային մի գնահատման, 11 տոկոս է, նաեւ դա է Ադրբեջանի նպատակը, որ կանգնեցնի մեր տնտեսական ակտիվությունը: Նա փաստորեն Ադրբեջանի կողմից երեկ ՀՀ պետական սահմանին իրականացված հարձակումը բացատրում է սրանով:
Նրա խոսքով` Ադրբեջանն այս սադրանքներին գնում է նաև նրա համար, որ կասեցնի Հայաստանի տնտեսական աճը: Հետո անցավ խաղաղության դարաշրջանին` դժգոհելով, թե Ադրբեջանն այնքան էլ անկեղծ չէ այս հարցում, որովհետև բոլորը ուզում են խաղաղություն, բայց դա տարբեր խմբեր տարբեր կերպ են պատկերացնում:
