Գիտե՞ք ինչու է ավտոշքերթ անում․․․ երևի իրոք վիճակը բարդ է` վերջին փամփուշտներն են կրակում

Գիտե՞ք ինչու է ավտոշքերթ անում. որովհետև չի համարձակվում միտինգ անել: Հույս չունի, որ գոնե քիչ թե շատ բազմամարդ միտինգ կստացվի: Իսկ 10-20-30 մեքենայից կազմված շարասյուն կազմելը բարդ չի և այդ շարասյունն արդեն բազմամարդության տպավորություն է թողնում...դե, իսկ մեքենայի մեջ թաքնված մարդիկ համ ծառայություն են մատուցում իշխանություններին, համ շատ չեն երևում մարդկանց աչքին:

Չզարմանաք, որ էդ մարդկանց մի մասը վաղը հայտնվի նաև ընդդիմադիրների հավաքներին: Ու մի մոռացեք, որ «կյանքի-մահվան» համար պայքարի այս փուլում ողջ ադմինիստրատիվ ռեսուրսն են գործի դրել` համայնքապետերով, ուժայիններով... և անգամ «ծանր հրետանին»` Աննան այսօր միացավ նախկին ամուսնուն...երևի իրոք վիճակը բարդ է` վերջին փամփուշտներն են կրակում:

Գիտե՞ք ինչու է վերջին տարիներին շոուներ, վարչաբենդեր, ջենիֆերլոպեսներ, համերգներ, ամանորյա քեֆ-ուրախություններ կազմակերպում, այսօր էլ Գյումրիում հերթական համերգն է լինելու...որ իր իսկ պատճառած սթրեսից ու հոգեբանական տեռորից հոգնած մարդիկ մի քիչ լիցքաթափվելու համար ակամայից մասնակցեն դրանց ու ներկայացնի, թե դա իր ընտրազանգվածն է, իրեն այդքան մարդ է ընդունում-ընտրում...

Եվ այս տիտանական ջանքերի ու խորամանկությունների իմաստը մեկն է` ներշնչել հանրությանը, որ իրենք արդեն «կրել» են հունիսի 7-ի ընտրություններում` բոլոր նորմալ հայ մարդկանց պարտության մատնել...

Բայց մարդիկ պետք է հստակ գիտակցեն, եթե այս անգամ էլ հաջողվեց խաբել, ֆռռացնել հանրությանն ու 21 թվի պատմությունը կրկնել, հաջորդ ելույթներից մեկում արդեն բացատրելու է, թե ինչու հայերն իրավունք չունեն պետություն ունենալու և ինքն ինչպես է ընտրություն կատարել` 2 միլիոն մարդու կյանք «փրկելու» և Ադրբեջանի մարզ դառնալու միջև ու ինչ մեծ «խիզախություն» է դրսևորել այդ բարդ որոշումը կայացնելիս, իսկ որոշ մտավոր հետամնացներ էլ առաջարկելու են նրա արձանը կանգնեցնել Հանրապետության հրապարակում...