ԱՄՆ պետքարտուղար Մարկո Ռուբիոն հայտարարել է Իրանի հետ բանակցություններում «փոքր առաջընթացի» մասին, հաղորդում է The Guardian-ը։
«Ես չեմ ուզում չափազանցնել, բայց կա որոշակի առաջընթաց, և դա լավ է», - ասել է ԱՄՆ գլխավոր դիվանագետը՝ ընդգծելով, որ Վաշինգտոնի դիրքորոշումը մնում է անփոփոխ. «Իրանը երբեք չպետք է միջուկային զենք ձեռք բերի»։
Ռուբիոն նաև շեշտել է, որ ԱՄՆ-ն մտադիր է լուծել բարձր հարստացված ուրանի հարցը և վերականգնել նավարկության ազատությունը Հորմուզի նեղուցում։
Նրա խոսքով՝ Թեհրանը փորձում է միջազգային ջրային ուղիներում ստեղծել վճարովի համակարգ և ճնշում է գործադրում Օմանի վրա՝ միանալու այս նախաձեռնությանը։
«Աշխարհի ոչ մի երկիր չպետք է համաձայնի դրան», - ընդգծել է պետքարտուղարը։
Ռուբիոն նաև նշել է, որ ԱՄՆ-ն և Բահրեյնը մշակել են ՄԱԿ-ի բանաձև՝ ռեկորդային թվով համահեղինակներով, բայց Անվտանգության խորհրդի որոշ երկրներ, նրա խոսքով, քննարկում են դրա վրա վետո դնելու հնարավորությունը։
