«Համակողմանի միջոցներ են ձեռնարկում քրեական գործերով՝ կապված խաղաղության և մարդկության դեմ հանցագործությունների, ռազմական, ահաբեկչական և այլ հանցագործությունների հետաքննության հետ, որոնք կատարվել են Ղարաբաղում Հայաստանի անօրինական զինված խմբավորումների կողմից»։ Այդ մասին հայտնում է ԱՊԱ-ն՝ վկայակոչելով Ադրբեջանի գլխավոր դատախազությանը և Պետական անվտանգության ծառայությանը։
Նշվում է, որ գործընթացի շրջանակում քրեական պատասխանատվության է ենթարկվել ԼՂ նախկին նախագահ Արայիկ Հարությունյանը, նրա դեմ մեղադրանք է առաջադրվել մի քանի հոդվածով։ Հարությունյանին տեղափոխել են մեկուսարան։
Հիշեցնենք, Ադրբեջանի կողմից առևանգված և ապօրինի ձերբակալված Արայիկ Հարությունյանը երեկ հարցաքննվել է։ Նրան հանրային պաշտպան են նշանակել։
