Ինչու՞ է Իրանի ԱԽ քարտուղարն Ադրբեջանում է: Իրանի ազգային անվտանգության գերագույն խորհրդի քարտուղար Ալի Աքբար Ահմադիանը ժամանել է Ադրբեջան։ Այս մասին հայտնում են իրանական լրատվամիջոցները։
Թե ինչ նպատակով է մեկնել իրանցի բարձրաստիճան պաշտոնյան Բաքու՝ առայժմ չի մանրամասնվում:
Բացառված չէ, որ Ահմադիանն Ադրբեջանում կբարձրացնի նաև այսպես կոչված «Զանգեզուրի միջանցքի» հետ կապված՝ իրանական կողմի մտահոգությունները:
Հիշեցնենք, որ երեկ տեղական ԶԼՄ-ներին տված հարցազրույցում Ադրբեջանի նախագահ Իլհամ Ալիևը հայտարարել է, թե «Զանգեզուրի միջանցքը» պետք է «ամեն գնով բացվի»՝ ուղիղ սպառնալիք հնչեցնելով Հայաստանի հասցեին:
Հայտնի է, որ այս հարցում պաշտոնական Թեհրանը կոշտ դիրքորոշում ունի և բազմիցս, ինչպես հայկական կողմը, դեմ է արտահայտվել տարածաշրջանում արտատարածքային որևէ միջանցքի առկայության և սահմանների փոփոխության դեմ:
Ի դեպ, նույն հարցազրույցում Ալիևը, խոսելով Բաքվի և Թեհրանի հարաբերությունների մասին, ակնարկեց, որ երկրների միջև փոխհարաբերություններն այնքան էլ բնականոն չեն:
