ՀՀ առաջին նախագահ Լևոն Տեր-Պետրոսյանը, դուրս գալով ՀԱԿ համագումարից, մինչ մեքենան նստելը, մի քանի րոպե շփվեց իր թիմակիցների հետ:
Մեքենան նստելու պահին Hraparak.am-ը հասցրեց մի քանի հարց ուղղել առաջին նախագահին` նախ հետաքրքրվելով, թե ինչ կարող է ասել Սյունիքում ստեղծված իրավիճակի վերաբերյալ:
Տեր Պետրոսյանը նախ ասաց, թե բոլորը խոսում են այսօր Սյունիքի մասին:
Խնդրեցինք իր խորհուրդը, կարծիքը կամ մաղթանքը հայտնել:
«Պիտի երկիր ունենայինք, որ էսքանը չլիներ»,- ասաց նա:
Այսինքն`չունե՞նք պետություն ու երկիր, նախագահն արձագանքեց. «Դեռ չունենք»:
Իսկ ե՞րբ կունենանք, շարունակեցինք մենք:
«Ճիշտ ընտրություն կատարեք, կունենանք»,- ասաց նա:
Փորձեցինք ճշտել` ինքը ճի՞շտ ընտրություն կատարեց, երբ Փաշինյանը գալիս էր իշխանության, բայց Տեր-Պետրոսյանն այլևս չարձագանքեց, նստեց մեքենան և հեռացավ:
Մանրամասն` տեսանյութում
