Եվրոպական խորհրդարանականները ցանկանում են ածխածնային գանձում դնել կլիմայական ավելի քիչ հավակնոտ երկրներից ներմուծումների վրա՝ բարձրացնելու կլիմայական համաշխարհային հավակնությունները:
Հաղորդել է (11.03.2021) «Եվրանյուզ» հեռարձակողը։
Հարկման գաղափարը հետևյալն է՝ դադարեցնել այսպես կոչված «ածխածնի արտահոսքը», որը տեղի է ունենում այն դեպքում, երբ մի երկրում նկատվում է ջերմոցային գազերի արտանետումների աճ, որը պայմանավորված է ավելի քիչ խիստ կանոններով երկրորդ երկրի արտանետումների կրճատմամբ։
Բրյուսելյան օրենսդիրներն անհանգստացած են, որ կլիմայի փոփոխության հարցում ԵՄ-ի բարձր հավակնությունները կարող են հանգեցնել «ածխածնի արտահոսքի», ինչը նշանակում է, որ կլիմայի համաշխարհային ջանքերը կխոչընդոտվեն, եթե եվրոպական արտադրությունը պարզապես տեղափոխվի ոչ ԵՄ երկրներ, որոնք արտանետումների համար պակաս հավակնոտ կանոններ ունեն:
Բայց Եվրախորհրդարանի ֆրանսիացի պատգամավոր Յանիկ Ժադոն Euronews-ին ասել է, որ խնդրի վերջնական լուծումն ածխածնի գանձումից այն կողմ արտանետումների կրճատման նույնպիսի ծրագրերով այլ խոշոր երկրների ներգրավումն է: «Եթե Եվրոպայի և ԱՄՆ-ի միջև կարողանար լինել գործընկերություն կլիմայի հարցի և արդյունաբերության պաշտպանության շուրջ, հրաշալի նորություն կլիներ: Մի կողմից՝ Չինաստանը։ Մի երկիր, որը արտանետում է շատ ջերմոցային գազեր, բայց նաև մի երկիր, որը նորարարում է։ Այն նաև մի երկիր է, որը շուկա է ներմուծում է CO2 [ածխաթթու գազ]», - ասել է ֆրանսիացի պատգամավորը։
Կախված ածխածնային գանձման ծավալից, ըստ Եվրոպական հանձնաժողովի, այն կարող է տարեկան բերել 5 միլիարդից 14 միլիարդ եվրո:
Ի սկզբանե գանձումը պետք է ներառեր էներգասպառ արտադրական ոլորտները, ինչպիսիք են՝ էլեկտրականությունը, ցեմենտը, մետաղները, թուղթը և ապակիները:
Ուժի մեջ մտնելուց հետո Առևտրի համաշխարհային կազմակերպությունն, ի վերջո, կքննարկի իր 164 անդամների շրջանում ածխածնային հարկումը։ Բրյուգելի ինստիտուտի գիտաշխատող Սիմոնե Տալիապիետրան Euronews-ին ասել է, որ ցանկացած նոր հարկ կարիք ունի հստակեցման, թե ինչ է ցանկանում։ «Կարևորն այն է, որ դա համաձայնեցվի բազմակողմանի հիմունքներով, դա իրոք թափանցիկորեն բացատրվում է Առևտրի համաշխարհային կազմակերպությունում: Բանն այն է, որ այդ անվճար թույլտվությունները շատ արագ պետք է փուլ առ փուլ հանվեն Արտանետումների առևտրային համակարգում, որպեսզի Եվրոպայում ածխածնի գինը հասնի այն մակարդակի, որն անհրաժեշտ է մայրցամաքը կարբոնիզացնելու համար»:
Հանձնաժողովի հաջորդ քայլը կլինի 2021 թվականի երկրորդ եռամսյակում ածխածնի հարկի վերաբերյալ օրենսդրական առաջարկ ներկայացնելը։
