Թարմ ուղեղով՝ դառը սուրճի հետ
Այսօր միջազգային հարաբերություններում չկա աշխարհակարգ (order), եղածը ջարդուփշուր արեցին Պուտինն ու Թրամփը, իսկ Սի Ծինփին դա անում է փափուկ ուժի և տնտեսության միջոցով:
Հենց այս երեքն են, որ աշխարհակարգը վերածել են disorder-ի:
Հայաստանը շատ ճիշտ է անում, որ ձգտում է լավ հարաբերություններ հաստատել ԱՄՆ-ի հետ, անկախ նրանից Թրամփը կա թե չկա, բայց հատկապես, երբ կա:
Հայաստանը շատ սխալ է անում, որ ներքաղաքական խնդիրներ լուծելու համար անիմաստ լարվածություն է հաղորդում ՀՀ-ՌԴ հարաբերություններին, անգամ երբ Մոսկվան մեր հանդեպ ոչ բարեկամական քայլեր է անում: Հիբրիդային փսիխոզը օգտակար չէ մեր պետությանը:
Ոչ բարյացկամ Ռուսաստանը, ինչպես Թուրքիան, Հայաստանի համար ճակատագրական ուժ են և պետք է չափազանց զգույշ լինել:
Եվ, վերջապես, կարող է հարցնեք, թե ինչու եմ դառը սուրճը ճաշից հետո խմում: Որովհետև շատ ուշ եմ քնել, հիմա էլ էշի նման աշխատում եմ և չէի հասցնում հետ դառնալ: Հոնի օղի եմ քաշում:
Բոլորիդ մաղթում եմ լավ հանգստյան օրեր:
Թաթուլ Հակոբյան
24 հունվարի, 2026, Դովեղ
