Հայաստանը կհաղթահարի իր շուրջ ծագած դժվարությունները, գլխավորն այն է, որ հայերը, որտեղ էլ որ լինեն, անկեղծորեն հավատան իրենց երկրին։ Այս մասին AnalitikaUA-ին տված հարցազրույցում ասել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։
Պատասխանելով Բալթյան-Սևծովյան պաշտպանական դաշինքին Հայաստանի մասնակցության հնարավորության մասին հարցին՝ Պոդոլյակը հույս է հայտնել, որ դաշինքի դռները բաց կլինեն, և պետք է փնտրել իրավական ու լոգիստիկ բանաձեւեր։
«Հայաստանի քաղաքական գործիչները պետք է երկխոսություն վարեն»,- նշել է Պոդոլյակը։
Նրա խոսքով՝ Հայաստանը ճիշտ ուղու վրա է.
«Ռազմավարությունը, որը ես հիմա հստակ տեսնում եմ Հայաստանի դիրքորոշման մեջ, ինտենսիվ երկխոսությունն է ՆԱՏՕ-ի երկրների՝ Մեծ Բրիտանիայի, ԱՄՆ-ի, Ֆրանսիայի հետ, որոնց հետ երկխոսությունը պատմականորեն միշտ լավ է եղել»։
