Ռուսաստանի Դաշնության նախագահին կից Գիտության ու կրթության խորհրդի նախագահությունը գլխավորել է ՌԴ Անվտանգության խորհրդի նախագահի տեղակալ Դմիտրի Մեդվեդեւը: Այս պաշտոնում նա փոխարինեց պետության ղեկավարի օգնական Անդրեյ Ֆուրսենկոյին:
Գրել է ռուսական «Տասս» տեղեկատվական գործակալությունը։
Ռուսաստանի նախագահ Վլադիմիր Պուտինի համապատասխան հրամանագիրը հրապարակվել է իրավական տեղեկատվության պաշտոնական ինտերնետային հարթակում:
Փաստաթղթում նշվում է, որ սահմանված փոփոխություններն ուղղված են խորհրդի գործունեության բարելավմանն ու պետական գիտատեխնիկական քաղաքականության արդյունավետության բարձրացմանը:
Խորհրդի կազմը 40-ից հասցվել է 48-ի, մասնավորապես, դրանում ընդգրկված էին Ռուսաստանի Դաշնության գիտության և բարձրագույն կրթության նախարար Վալերի Ֆալկովը, ՌԴ առողջապահության նախարար Միխայիլ Մուրաշկոն, փոխվարչապետ Դմիտրի Չերնիշենկոն ու Դմիտրի Մեդվեդեւը: Խորհրդում Մեդվեդևը դարձել է նաև փոխնախագահ և նախագահության նախագահ, որի անդամների թիվը նույնպես ավելացել է 11-ից 19-ի: Խորհրդի նախագահության քարտուղարի պաշտոնը զբաղեցրել է Ֆուրսենկոն:
Ավելի վաղ նախագահն իր հրամանագրով Գիտության և կրթության խորհրդին օժտել էր Ռուսաստանի Դաշնության գիտական և տեխնոլոգիական զարգացման ռազմավարական նպատակները, առաջադրանքներն ու գերակայությունները որոշելու, ինչպես նաև ՌԴ կառավարության կողմից ազգային կարևորագույն կարևոր նորարարական նախագծերի մշակման և իրականացման վերաբերյալ գործառույթներով: Նախագահին կից Գիտության ու կրթության խորհուրդը խորհրդատվական մարմին է, որը նախատեսված է պետության ղեկավարին գիտական ու տեխնոլոգիական զարգացման ու կրթության վերաբերյալ խորհուրդ տալու համար:
Խորհուրդը նախագահի համար առաջարկություններ է նախապատրաստում գիտության ու կրթության զարգացման գերակա ուղղությունները որոշելու համար, համակարգում է այս ոլորտում տարբեր պետական մարմինների, գիտական հիմնադրամների և կրթական կազմակերպությունների գործունեությունը: Նրա պատասխանատվության շրջանակներում է նաև գիտության ու տեխնոլոգիայի բնագավառում ՌԴ պետական մրցանակների, ինչպես նաև ՌԴ նախագահի մրցանակների գիտության ու նորարարության բնագավառում երիտասարդ գիտնականների հայտերի ընդունումն ու քննումը։
