«Անդրանիկ Քոչարյանին ես խորհուրդ կտայի մտածել մի փոքր խոսելուց առաջ, ի՞նչ է նշանակում նախկինում էլ են առանց գազ ապրել, նախկինում էշով են գնացել աշխատանքի, ինչի՞ եք թանկ մեքենաներ առնում, նպատակահարմար գտնում երթևեկել, անվտանգությունը առաջ նիզակներով են պաշտպանել, հիմա ինչի՞ եք բռոնե մեքենաներ առնում, այսօր աշխարհն առաջ է շարժվում, ոչ թե հետ։ Դուք, պարոն Քոչարյան և մնացածներ, ովքեր արդարացնում եք գազ չունենալը, գնացեք թուրքի բերան կանգնեք, անընդհատ ռմբակոծվելու վտանգի տակ, գնացեք ապրեք, մի օր անգամ կապրե՞ք, մարդիկ մնացել են մեր հայրենիքը, ազգային ինքնությունն են պաշտպանում, փոխանակ ինչ-որ գործողություններ իրականացնեն, որը կթեթևացնի արցախցիների իրավիճակը, ասում են առաջ էլ են առանց գազ ապրել, ուղղակի չեմ ուզում ոչ եթերային բառեր ասեմ, բայց թող համարեն, որ ես իրենց ոչ եթերային բառերով վերաբերմունք եմ արտահայտել ու կարող են նաև դիմել դատարան՝ պատիվ պահանջել, եթե նվազագույն պատիվ ու արժանապատվություն ունեն»,- այս մասին ընդդեմ ՄԱԿ-ի բողոքի ակցիայի ժամանակ լրագրողների հետ զրույցում ասաց իրավապաշտպան Նինա Կարապետյանցը։
