Հատուկ քննչական ծառայությունն այս պահին Երեւան քաղաքի վարչությունում է` Գորիսի փոխքաղաքապետ Մենուա Հովսեփյանի հետ։
Նրանք այնտեղ են գնացել գործողություն անելու նպատակով, փոխքաղաքապետը պետք է ցույց տա հարկը, սենյակը, որտեղ իրեն ենթարկել են խոշտանգման։
Այս պահին նրանք Երեւանի փոխոստիկանապետ Արթուր Զաքարյանի սենյակում են, որն էլ, ըստ լուրերի, կազմակերպել է Մենուա Հովսեփյանի խոշտանգումը։
Հիշեցնենք, որ Նիկոլ Փաշինյանի՝ ապրիլի 20-ին և 21-ին Սյունիք կատարած այցի ընթացքում մարզի մի շարք համայնքներում բողոքի ակցիաներ էին տեղի ունեցել, որոնց առթիվ հարուցվել էր քրեական գործ՝ իշխանության ներկայացուցչի նկատմամբ բռնություն գործադրելու և խուլիգանության հոդվածներով։
Այս գործով բերման էր ենթարկվել նաեւ Մենուա Հովսեփյանը։
