Պաշտպանության նախարար Սուրեն Պապիկյանն այսօր կառավարության նիստին ներկայացրեց շարքային և զինվորական կազմերի պարտադիր զինվորական ծառայությունից պայմանագրային զինվորական ծառայությունն անցման նոր համակարգի ներդրման վերաբերյալ նախագիծը: Այն անվանվելու է «Պաշտպան հայրենյաց» ծրագիր:
«Ծրագիրը նախատեսում է շարքային և սպայական կազմերի պարտադիր զինվորական ծառայության առաջին վեց ամիսը լրանալուց հետո կառավարության սահմանած կարգով պայմանագրային զինվորական ծառայության անցնելու հնարավորություն` ծառայության ժամկետը սահմանելով հինգ տարի»,-ասաց Պապիկյանը:
