Քիչ առաջ տեղեկացանք, որ Նուբարաշենի աղբավայրում խոշոր հրդեհ է բռկվել: Հրդեհի հետեւանքները զգացել են անգամ Երեւանի կենտրոնում՝ այրվող աղբի գարշահոտը տարածվել է քաղաքով մեկ։ Երևանի քաղաքապետարանից «Հրապարակին» հայտնեցին, որ այժմ ջրցան մեքենաներով փորձում են մարել հրդեհը, իրականացվում են նաև հողալցման աշխատանքներ:
Հարցին, թե ինչի՞ց է բռնկվել հրդեհը և ի՞նչ է այրվել, մեզ ասացին, որ դեռևս հայտնի չէ, թե հրդեհն ինչից է բռնկվել, այրվել է միայն աղբավայրը: Նկատենք, որ Նուբարաշենի աղբավայրում բավականին հաճախ են խոշոր հրդեհներ բռկվում և ամեն անգամ հանգամանքները մնում են անհայտ:
