Գյումրու Ամենափրկիչ եկեղեցու բակում ընթանում է նախկին քաղաքապետ, ներկայումս քաղաքապետի թեկնածու Վարդան Ղուկասյանի եզրափակիչ հանրահավաքը,որը քաղաքապետի թեկնածուի կողմից մեկնարկվեց աղոթքով ։
«Մենք ո՛չ Նիկոլով ենք, ո՛չ Սերժով ենք, ո՛չ Քոչարյանով ենք, ոչ Լևոնով ենք։ Չվախենաք ոչ մի թուրքից, մենք չենք երկնչելու, վախը թերահավատության նշան է,այո , ես գիտեմ՝ կարող է և իշխանություններն ինձ համար շատ բաներ են նախապատրաստել, որովհետև շատ եմ ցավեցնում իրենց, բայց ես չեմ վախենում, որովհետև իմ տերուտիրականն Աստված է և Ամենափրկիչ եկեղեցին։ Հայ ժողովրդի տերն Աստված է․․․»,- իր ելույթի սկզբում նշեց նա ։
«Անտարբեր մարդիկ դավաճանից էլ վատն են, էսօր, այս ճակատագրական պահին ոչ ոք իրավունք չունի անտարբեր մնալու, բոլորը պետք է գնան ընտրատեղամաս և իրենց հոգու, խղճի խայթով ընտրություն կատարեն։ Ոչ միայն ամբողջ ՀՀ-ն, այլ ամբողջ աշխարհի հայությունը սպասում է Գյումրիի ընտրություններին»,-ասաց նա։
Հանուն արդարության ասենք, որ Ամենափրկիչի բակը բազմամարդ է, մարդկանց թվաքանակը գնալով շատանում է։
Նշենք, որ Գյումրու Վարդան Աճեմյանի անվան դրամատիկական թատրոնի բակում այս պահին ընթանում է նաև ՔՊ-ի ամփոփիչ հանրահավաքը, որին ներկա է նաև ԱԺ խոսնակ Ալեն Սիմոնյանը։
