Բեռնի կոնվենցիայի հիման վրա մեկնարկել է այսպես կոչված «օկուպացիայի ժամանակաշրջանում շրջակա միջավայրի աղտոտման հետ կապված» Ադրբեջանի հայցի առաջին միջպետական ընթացակարգը Հայաստանի դեմ։ Այս մասին հայտարարել է Ադրբեջանի փոխարտգործնախարար Էլնուր Մամեդովը, փոխանցում է APA-ն։
Նրա խոսքով, դա արբիտրաժային գործընթաց է։
«Հաջորդ փուլը, որին մենք սպասում ենք, արբիտրին (դատավոր) ընտրելու որոշումն է, որը Հայաստանի կողմից կներկայացնի այդ երկրի շահերը, ինչպես նաև ակնկալում ենք դատարանի ձևավորումը։ Այս դատարանում գնահատական կտրվի էկոլոգիական հանցագործություններին»,- ասել է Էլնուր Մամեդովը։
