Ադրբեջանական կողմը, պատճառաբանելով, որ հայկական կողմից կրակել են ադրբեջանցի սահմանապահների վրա, որոնք ծառայություն են իրականացրել Լաչինի անցակետում, փակել է անցակետը բոլոր տեսակի մարդասիրական փոխադրումների համար եւ հայտարարել, որ անցակետը փակ կմնա այնքան ժամանակ, մինչեւ որ հստակ եւ ամբողջական կերպով միջադեպը չհետաքննվի։
Ընդ որում, Բաքուն նշել է, որ կարեւոր է, որպեսզի հայկական կողմի հատուկ ծառայությունները պարզեն, թե կոնկրետ ինչ նպատակով է սադրանքն իրականացվել եւ ում պատվերով, ներառյալ նաեւ՝ արտասահմանյան որ ուժային կենտրոնի։ Ադրբեջանական մեդիայում տարածված հրապարակումներում ինչպես ասում են՝ «քարը նետվում է կամ ռուսական կողմի բոստանը, կամ իրանական կողմի բոստանը»։
