Քիչ առաջ մեզ Արցախից փոխանցեցին, որ մոտ 20 արցախցի երեխա, որոնք Երևան էին եկել «Մանկական Եվրատեսիլի» մասնակցելու համար, հիմա Գորիսում են, չեն կարողանում գնալ իրենց տները, քանի որ ադրբեջանցիները փակել են Լաչինի միջանցքը:
Մեր աղբյուրն ասաց, որ երեխաների մի խումբ էլ Երևանում է: Արդեն տեղեկացրել ենք, որ ադրբեջանցիները փակել են նաև Արցախի գազամատակարարումը, ինչի հետևանքով Արցախում վաղվանից կդադարեցվեն դասերը դպրոցներում, նաև հացի փռերի գործունեությունը կդադարի: Արցախը հումանիտար աղետի եզրին է, և փաստացի բլոկադայի մեջ:
