UFC-ի նախկին չեմպիոն, ամերիկացի հայտնի մարտիկ Հենրի Սեխուդոն անդրադարձել է Դոհայում կայացած մրցաշարին, որտեղ Արման Ծառուկյանը հերթական անգամ ցուցադրել է համոզիչ և գերիշխող ելույթ։
Սեխուդոյի կարծիքով՝ հենց Ծառուկյանն է այն մարզիկը, որը կարող է վերջ դնել Իլիա Թոփուրիայի անպարտ ընթացքին։ Նա ընդգծել է, որ թեթև քաշային դիվիզիոնում ներկայում միակ տրամաբանական և սպասված մարտը Ծառուկյան – Թոփուրիա հանդիպումն է։
Սեխուդոն պնդել է , որ Ծառուկյանի կատարած աշխատանքը մրցագորգում կարելի է անվանել կատարյալ, և նա վստահ է, որ հայ մարզիկը կարող է գահընկեց անել գործող չեմպիոնին։
