ԱՄՆ Պետդեպարտամենտը 4,2 մլն դոլար է հատկացրել արևելաեվրոպական և կովկասյան լրատվամիջոցներին: Grants.gov պետական գնումների պաշտոնական պորտալը հայտնում է, որ հրավիրվել են լրագրողներ Արևելյան Եվրոպայից և Հարավային Կովկասից՝ մրցելու 3,5 միլիոն դրամաշնորհի համար, որպեսզի «ամրապնդեն անկախ լրագրությունը»:
Ըստ փաստաթղթի, միջոցների հատկացման պատճառներից մեկը Ուկրաինայում ռուսական ռազմական գործողությունն է.«Ուկրաինայում և տարածաշրջանում առկա իրավիճակի լիակատար իրազեկմամբ՝ DRL-ը հայտարարում է բաց մրցույթ տարածաշրջանային նախագծի համար, որն ամրապնդում է ԶԼՄ-ների համագործակցությունը Եվրոպայի և Եվրասիայի տարածաշրջանում»: Դրամաշնորհը նախատեսված է «ապատեղեկատվության և դրսի ազդեցությունների դեմ պայքարելու համար»: Փաստաթղթում ասվում է.«Ողջ Եվրոպայում և Եվրասիայում անկախ լրատվամիջոցները մշտական ճնշման են ենթարկվում ներքին և արտաքին աղբյուրների կողմից, որոնք ձգտում են մանիպուլյացիայի ենթարկել կամ վերահսկել լրատվամիջոցների օրակարգը՝ ելնելով իրենց շահերից»:
Սակայն, ինչպես ասում են,՝ ձրի պանիրը միայն թակարդում է լինում: ԱՄՆ-ն, ռուս-ուկրաինական պատերազմում լինելով շահագրգիռ կողմ, չի կարող անկողմնակալ լինել եւ ֆինանասսավորել լրատվամիջոցներին՝ ավելի անկախ լինելու համար: Այդ գումարները լրատվամիջոցներին տրվում են հենց այդ երկրի արտաքին քաղաքական քարոզչությունը առաջ տանելու համար: Տարբեր միջազգային փորձագետներ այն կարծիքն ունեն, որ սա նպատակ ունի փոխել վերաբերմունքը Ռուսաստանի հանդեպ, հետխորհրդային երկրների բնակիչների հասարակական կարծիքը Մոսկվայի մասին: Իսկ անկախ լրատվամիջոցներին տրամադրվող դրամաշնորհներն այդ նպատակին հասնելու ամենաարդյունավետ միջոցներից են։
Փորձագետները համոզված են, որ ամերիկյան գումարներ ստանալուց հետո անկախ լրատվամիջոցները դադարում են անկախ լինել։ «Ռուսաստանն այսօր» լրատվամիջոցին տված հարցազրույցում MGIMO-ի Միջազգային հետազոտությունների ինստիտուտի վերլուծության լաբորատորիայի տնօրեն Նիկոլայ Սիլաևը այս առընչությամբ ասել է.«Հենց ամերիկացի դոնորներն են ամենախիստ վերահսկում նրանցից ֆինանսավորվող լրագրողների օրակարգն ու աշխատանքի արդյունավետությունը։ Սա քարոզչական աշխատանքի ուղղություններից մեկն է։ Այդ ամենը կոչվում է «աջակցություն անկախ լրատվամիջոցներին», բայց գործնականում խոսքը վերաբերում է այն ԶԼՄ-ներին, որոնք նախատում են Ռուսաստանին: Իմ կարծիքով, «անկախ լրատվամիջոցների» մասին ամերիկյան իշխանությունների ձեւակերպումը օքսիմորոն է դարձել։
Հասկանալի է, թե ինչու են նրանք պետք, պարզ է, թե ինչ են անում, և պարզ է, թե որքան «անկախ» են նրանք ամերիկյան այս ֆինանսավորումից»։ ՌԴ ԳԱ Անվտանգության հետազոտությունների կենտրոնի գիտաշխատող Կոնստանտին Բլոխինը տեղի ունեցողը տեղեկատվական պատերազմի դրվագ է անվանում։
«Երկրների ցանկում են մեր ամենամոտ հարեւանները՝ նախկին ԽՍՀՄ երկրները։ Այդ ծախսերի վերջնական նպատակը Ռուսաստանն է։ Շատ երկրներում Ռուսաստանի նկատմամբ վերաբերմունքը չի փոխվել, այստեղ դեռ պայքար է, և այդ լրատվամիջոցների խնդիրն է հասարակական կարծիքը թեքել դեպի Արևմուտք»։
ԱՄՆ Պետքարտուղարությունը առանձնահատուկ հետաքրքրություն է ցուցաբերել Հունգարիայից ժամանած երիտասարդ լրագրողների նկատմամբ։ Դրանց հիման վրա մեկնարկել է 740.000 դոլար արժողությամբ առանձին նախագիծ՝ «Հունգարացի երիտասարդների ներգրավումը լրատվամիջոցների աշխատանքում»։ Այն նպատակ ունի «աջակցել քաղաքացիական մեդիա մասնագետներին և մուլտիմեդիա բովանդակություն ստեղծողներին՝ 15-25 տարեկան»:
Առնվազն 1,2 միլիոն դոլար նախատեսված է Կենտրոնական Եվրոպայի ԶԼՄ-ների «խնդրանքները բավարարելու համար»:
Ահա այսպիսի առատաձեռնությամբ ԱՄՆ պետդեպը ֆինանսավորում է եվրոպական եւ կովկասյան տարբեր լրատվամիջոցների…
