«Պատիվ ունեմ» դաշինքի վարչապետի թեկնածու Արթուր Վանեցյանն ասուլիսին անդրադարձավ ընտրությունների արդյունքներին։
Ասաց․ «Իրականում ընտրությունների արդյունքները կան, հրապարակված են, որ ասեմ՝ սպասելի էին՝ ոչ, բայց ունենք այն, ինչ ունենք։ Վերջին 2-3 օրերի ընթացքում բազմիցս բարձրաձայնել ենք, որ «Պատիվ ունեմ» դաշինքի ակտիվիստների, նախընտրական շտաբի ակտիվիստների նկատմամբ սկսվել է ուղղակի տեռոր։ Դա նպատակ է ունեցել նվազեցնել մեզ տրվող ձայների քանակը, առհասարակ, ստանալ մի իրավիճակ, որ ընդդիմությունը ստանա քիչ քվե»։ Բոլոր այդ դեպքերի հետ կապված` ՊՈՒ իրավաբաններն իրականացրել են ուսումնասիրություններ, և ըստ անհրաժեշտության, կդիմենք թե՛ իրավապահ մարմիններին, թե՛ դատարաններին»։
