ԵԽԽՎ հայաստանյան պատվիրակության ղեկավար Ռուբեն Ռուբինյանը որոշել է փոխել ու սեփական պատկերացումներին համապատասխան ներկայացնել ԵԽԽՎ Մոնիթորինգի հանձնաժողովի համազեկուցողների տարածած հայտարարությունը Հայաստանում ստեղծված իրավիճակ վերաբերյալ։
Բանն այն է, որ ԵԽԽՎ համազեկուցողներն իրենց խիստ գնահատականն են արտահայտել ՀՀ-ում գործող իշխանության ճյուղերից երկուսի՝ գործադիր և դատական իշխանության, մասնավորապես վարչապետի աշխատակազմի և Սահմանադրական դատարանի միջև առկա լարվածության վերաբերյալ; Նրանք մի քնաի կետով անդրադարձել են գործադիրի իրականացրած քայլերին՝ ընդդեմ Սահմանադրական դատարանի։ Տեքստը անգլերեն թարգմանել և իր էջում դրել էր ԵԽԽՎ հայաստանյան պատվիրակության նախկին ղեկավար , արդարադատության նախկին նախարար Արփինե Հովհաննիսյանը։ Ոu հանկարծ տեսնում ենք, որ ԵԽԽՎ մեր պատվիրակության գործող ղեկավար Ռուբեն Ռուբինյանը նույն հայտարարությունը իր էջում տեղադրել է լրիվ այլ կոնտեքստում թարգմանած, որտեղ բուն հայտարարության իմաստը 180 աստիճանով շուռ տված է ներկայացրել։
Ռուբինյանի գրառման տակ արձագանքել են ԱԺ աշխատակազմի ղեկավարի նախկին տեղակալ Արսեն Բաբայանն ու այլ անձինք, որոնք տեղադրել են իրական տեքստի հղումները՝ ցույց տալով, որ Ռուբինյանը սխալ է «հասկացել» ԵԽԽՎ-ականների հայտարարությունը և սխալ է մատուցում այն հանրությանը։
Այսքանից հետո միայն զարմանալ կարելի է իշխանությունների ու նրանց ներկայացուցչի վարքագծի վրա, թե ի՞նչ է մտածել նույն Ռուբինյանը՝ փոխելով կամ խմբագրելով ԵԽԽՎ համազեկուցողների հրապարակած տեքստը։ Արդյոք չե՞ն մտածել, որ այս ամենը կարող է հասնել ԵԽԽՎ պատգամավորներին, որոնց կտեղեկացնեն, որ Հայաստանում իշխանությունները այլ կերպ են ներկայացնում իրենց մտքերը և որ իրենք այդժամ կարող են հայտնվել անհարմար վիճակում ԵԽԽՎ իրենց գործընկերների մոտ։ Թեպետ՝ ՀՀ ներկայիս իշխանությունների քայլերն ու ցինիզմի հասնող որոշումներն այլևս զարմանալի չեն, Ռուբինյանինը՝ առավելևս։
