Ոստիկաններն անհասկանալի պատճառաբանությամբ և հիմքերով անհայտ ուղղությամբ, ենթադրվում է` ոստիկանության բաժին տարան Մեղրիի քաղաքապետ Մխիթար Զաքարյանին:
Նրա փաստաբան Գայանե Պապոյանի հրապարակած տեսանյութում երևում է, որ նա առաջարկում է կամ ինքն ու իր պաշտպանյալը իրենց մեքենայով գան, կամ ինքը նստի իր պաշտպանյալի` Մխիթար Զաքարյանի հետ ոստիկանական մեքենան, սակայն երկու դեպքում էլ մերժում է ստանում: Ոստիկանները որևէ կերպ չեն հիմնավորում իրենց գործողությունները:
Գայանե Պապոյանը հայտարարում է, որ ինքը այս հարցով կդիմի Մարդու իրավունքների պաշտպանի գրասենյակ:
