Խորհրդարանական «զույգ» ընդդիմությունների պատգամավորներն այսօր տհաճ հարցերի հարցաշար էին պատրաստել տարբեր հանձնաժողովների նախագահների պաշտոններում առաջադրված ՔՊ-ական թեկնածուների համար։ Մինչ «Հայաստան» դաշինքից Արթուր Խաչատրյանը ԱԺ ազգային անվտանգության, ներքին գործերի, պաշտպանության հանձնաժողովի նախագահ Անդրանիկ Քոչարյանից հետաքրքրվում էր, թե ինչպես եղավ, որ կապուտուլյացիա եղավ, երբ 2020-ի օոգոստոսի 28-ին Նիկոլ Փաշինյանի խորհրդականը հայտարարում էր, թե ունեինք ռազմական առավելություն և կարող էինք ոչնչացնել Ադրբեջանի տնտեսական ներուժը, նույն դաշինքից Գեղամ ՄանուկյաննԱԺ պետաիրավական հանձնաժողովի նախագահի թեկնածու Վլադիմիր Վարդանյանից հարցրեց՝ արդյոք չի՞ գտնում, որ Քաղծառայության, Հանրային ծառայության մասին օրենքներն առվազն բովանդակային առումով սկսվել են ձեւախեղվել։ «2018 թվականին իշխանության եկած քաղաքական ուժը դատապարտում էր խնամի-ծանոթ-բարեկամով պաշտոնների նշանակելը, կարճ ժամանակ հետո գերդաստաններով դարձնում ԱԺ պատգամավոր, բանակի ընկեր լինելով՝ նշանակում պաշտոնների։ Օրինակ՝ Սուրեն Պապիկյանի բանակի ընկերներին կարելի է տեսնել շատ գերատեսչություններում»,-ասաց Գեղամ Մանուկյանը։ Բայց ամենացնցողն այն է, որ ԱԺ նախագահի աշխատակազմի ղեկավար է նշանակվել մեկը, որի մասին միակ բաց տեղեկությունն այն է, որ «Արգավանդ» կահույքի տնօրենն է Վլադիմիր Վարդանյանն էլ նշեց, թե շատ կարեւոր է պրոֆեսիոնալիզմը ցանկացած ոլորտում։
