Հովհաննես Շարամբեյանի անվան ժողովրդական արվեստների թանգարանում երեկ անսովոր մարդաշատ էր: Կարինե Խաչատրյանի բանաստեղծությունների երկրորդ գրքի շնորհանդեսն էր, դահլիճում ազատ տեղ չկար: Գեղեցիկ, ճաշակով ձևավորված գիրք, տրամադրող մթնոլորտ, ասմունք, սիրուն խոսքեր, ջերմ միջավայր: Դահլիճում մեծ թվով սոցիալական ոլորտի աշխատողներ էին` Աշխատանքի և սոցիալական նախարարության աշխատողներ, այդ թվում 3 նախարար` Աշոտ Եսայանը, ով նաև շնորհանդեսի կազմակերպչական աշխատանքներն էր իրականացրել, Ռազմիկ Մարտիրոսյանն ու Աղվան Վարդանյանը: Կարինեն, պարզվեց, երկար տարիներ այս համակարգում է աշխատել և ստեղծագործել սկսել է բավականին ուշ: Շնորհանդեսը վարում և հեղինակի գործերը կարդում էր հայտնի դերասանուհի Հասմիկ Տեր- Կարապետյանը: Իսկ հեղինակը համեստորեն ոչ թե «նախագահությունում» էր նստած, այլ հանդիսատեսի հետ առաջին շարքում:
Տեսանյութը՝ այստեղ
