Հայաստանը պաշտոնապես ճանաչել է Կոսովոյի անձնագրերը, ներառյալ սովորական, դիվանագիտական և պաշտոնական անձնագրերը:
Այս մասին X սոցիալական ցանցի իր էջում գրառում է արել Կոսովոյի փոխարտգործնախարար Կրիշնիկ Ահմետին:
«Սա կարևոր քայլ է ամրապնդելու համար երկու երկրների քաղաքացիների և ինստիտուտների միջև կապերն ու հարաբերությունները»,- գրել է Ահմետին իր հրապարակման մեջ:
Հիշեցնենք, որ Կոսովոն մասամբ ճանաչված պետություն է, որը թուրքական մեծ ազդեցություն է կրում և հայտնի է Բալկաններում որպես Թուրքիայի հիմնասյունը։
