Այսօր, ինչպես վաղ հայտնել էինք Կոտայքի մարզում գտնվող Հատիս սարի գագաթին մեկնարկեց Հիսուսի արձանի տեղադրման տեղանքի զննման աշխատանքներ, որի լուսաբանման համար ներկա էին ինչպես Հայաստանից, այնպես էլ եվրոպական երկրներից հայտնի լրատվամիջոցներ: «Բարգավաճ Հայաստան» կուսակցության նախագահ Գագիկ Ծառուկյանի կողմից հրավիրված էր նաև ՄԱԿ-ի զբոսաշրջության համաշխարհային կոմիտեյի նախագահ Զուրաբ Պոլոլիկաշվիլին, որը լրագրողների հետ հանդիպմանն իր հիացմուքն արտահայտեց նախաձեռնության վերաբերյալ :
Շնորհավորելով հրաշալի գաղափարի կապակցությամբ, Պոլոլիկաշվիլին ասաց, որ Հիսուսի արձանը շատ նորարարական և ինքնատիպ մի բան է մեր տարածաշրջանում։ Զարմանք արտահայտելով յոթօրյա ժամկետում ճանապարհաշինարարական աշխատանքների ընթացքի վերաբերյալ՝ համոզմունք արտահայտեց, որ երեք տարի անց ներկա կգտնվի արձանի բացման արարողությանը:
Պոլոլիկաշվիլին վստահեցրեց, որ բազմաթիվ Հիսուս Քրիստոսի արձաններ է տեսել, սակայն Հատիսի վրա տեղադրվող արձանը շատ ինքնատիպ է, իսկական հայկական ճարտարագիտական ոգով։ Նրա խոսքով համավարակից հետո Հայաստանում օդանավակայանները լեփ-լեցուն են, հյուրանոցները ևս: Ընդգծեց և կարևորեց հայկական հյուրընկալության բացառիկությունը, և դրանով իսկ պայմանավորված էլ խոստացավ, որ այս մեծ ծրագրի շրջանակներում նաև լինելու է իրենց աջակցությունը զբոսաշրջիկների հոսքը ապահովելու մասով:
Նշեց նաև, որ Էկոնոմիկայի նախարար Վահան Քերոբյանի հետ քննարկել են Հայաստանում զբոսաշրջության ոլորտը խթանող մի շարք ծրագրեր:
«Նշեմ նաև կրոնական զբոսաշրջության մասին, որը նոր թրենդ է ոչ միայն այս տարածաշրջանի, այլև ողջ աշխարհի համար։ Պատմության ընթացքում Հայաստանը եղել է և շարունակաբար կլինի մի վայր, որտեղ զբոսաշրջիկները կայցելեն կրոնական նկատառումներից ելնելով։Այս վայրը, որտեղ, որ մենք կանգնած ենք միանշանակ կլինի ամենաշատ այցելվող վայրերից մեկը: Կարծում եմ սա Հայաստանի զբոսաշրջային գործունեության համար կարևորագույն նոր ակտիվներից մեկն է հանդիսանալու։ Գագիկ Ծառուկյանը շատ մեծ բան է անում զբոսաշրջության զարգացման համար։Այս պարագայում նա փորձում է ծառայել Աստծուն և այս ամենն անում է հենց Աստվածը։ Մենք նաև միասին Գագիկ Ծառուկայնի հետ զարգացնում ենք գյուղական զբոսաշրջությունը, որը շատ կարևոր է: Հայաստանում շատ բաներ կան անելու, շատ նախագծեր իրականացնելու։Այդ ֆորումը խիստ կարևոր կլինի օտարերկրյա ներդրողների հոսք կատարելու ուղղակի»ՙ-ասաց ՄԱԿ-ի զբոսաշրջության համաշխարհային կոմիտեյի գլխավոր քարտուղար Զուրաբ Պոլոլիկաշվիլին:
