Ռուսաստանը Ուկրաինային առաջարկել է հրադադար և Կոստյանտինովկայում զոհված զինծառայողների մարմինների հանձնման կազմակերպում։
Այս մասին հայտնել են ռուսական լրատվամիջոցները՝ հղում անելով ՌԴ պաշտպանության նախարարությանը։
«Ռուսաստանը պատրաստ է մարդասիրական գործողություն իրականացնել Կոստյանտինովկայում զոհված ուկրաինացի զինծառայողների մարմինների տեղափոխման համար։
Հուլիսի 6-ին, Մոսկվայի ժամանակով ժամը 12:00-ից մինչև 18:00-ն (Երևանի ժամանակով ժամը 13:00-ից մինչև 19:00-ն), ուկրաինական կողմին խնդրվում է դադարեցնել քաղաքի հրետակոծությունը։
Ուկրաինան պետք է ռուսական հրամանատարությանը տեղեկացնի մարմինների տեղափոխման վերաբերյալ իր որոշման մասին մինչև հուլիսի 5-ը, Մոսկվայի ժամանակով ժամը 12:00-ն», - հայտարարել է Ռուսաստանի պաշտպանության նախարարությունը։
Ավելի վաղ Ռուսաստանի նախագահ Վլադիմիր Պուտինը հայտարարել էր, որ ռուսական զորքերը «գրավել են Կոստյանտինովկան»։
Հետագայում Ուկրաինայի զինված ուժերի գլխավոր շտաբը հերքել է ռուսական զորքերի կողմից Կոստյանտինովկայի գրավման մասին տեղեկությունները։
