Միացյալ Նահանգները վերջին մոտ 40 տարվա մեջ առաջին անգամ կստեղծեն նոր միջուկային մարտագլխիկ, որը կոչվում է W93/Mk7։ Այս մասին հայտնում է Interesting Engineering պարբերականը։ Սպասվում է, որ այն կփոխարինի արդեն հնացած միջուկային մարտագլխիկներին, որոնք ներկայումս առկա են ամերիկյան միջուկային զինանոցում։ Դրանք համատեղվելու են ստորջրյա տեղակայման հրթիռների հետ։ Մարտագլխիկների մշակմամբ կզբաղվի ԱՄՆ ԶՈՒ Ռազմածովային ուժերը՝ Միջուկային անվտանգության ազգային վարչության հետ համատեղ։ Բացի այդ, ամերիկյան կողմը արդիականացնում է Trident II D5 Life Extension 2 (D5LE2) հրթիռները։
