Նեթանյահուն և Թրամփը որոշեցին

Իսրայելի վարչապետ Բենիամին Նեթանյահուն ԱՄՆ նախագահի հատուկ դեսպանորդ Սթիվեն Վիտկոֆոյի հետ հանդիպումից հետո հեռախոսազրույց է ունեցել ԱՄՆ նախագահ Դոնալդ Թրամփի հետ և շնորհակալություն հայտնել նրան իսրայելցի և ամերիկացի պատանդ Իդան Ալեքսանդրին Գազայի հատվածից ազատ արձակելու գործում ցուցաբերած օգնության համար։

Այս մասին հայտնել է Իսրայելի նախարարների կաբինետի ղեկավարի գրասենյակը։

«Նեթանյահուն այսօր հանդիպել է Ուիտկոֆի հետ։ Այնուհետև վարչապետը զրուցել է ԱՄՆ նախագահ Դոնալդ Թրամփի հետ։ Վարչապետը շնորհակալություն է հայտնել նախագահին Իսրայելի պաշտպանության բանակի զինծառայող Իդան Ալեքսանդրի ազատ արձակման գործում ցուցաբերած օգնության համար», - ասվում է հայտարարության մեջ։ 

Գրասենյակը հավելել է, որ «ԱՄՆ նախագահը, իր հերթին, վերահաստատել է իր հավատարմությունը Իսրայելին և ցանկություն է հայտնել շարունակել սերտ համագործակցությունը վարչապետի հետ»։

Հաղորդվում է նաև, որ Նեթանյահուն ԱՄՆ նախագահի հատուկ դեսպանորդի հետ բանակցություններից հետո հրամայել է իսրայելական պատվիրակություն ուղարկել Կատար՝ Գազայի հատվածում ՀԱՄԱՍ-ի խմբավորման կողմից պատանդների ազատ արձակման վերաբերյալ բանակցությունները շարունակելու համար։