Փաշինյանի դեմ ապօրինի դատական ակտ եք կայացրել, հիմա ո՞նց եք պաշտոնավարում․ պաշտպանները՝ Մնացական Մարտիրոսյանին
Երևան քաղաքի ընդհանուր իրավասության դատարանի «Կենտրոն» նստավայրում, նախագահությամբ` դատավոր Մնացական Մարտիրոսյանի, տեղի է ունենում Ավետիք Չալաբյանի գործով դատական նիստը: «Դուք ժամանակին Նիկոլ Փաշինյանի դեմ ապօրինի դատական ակտ եք կայացրել։ Ուզում եմ հարցնել՝ այդքանից հետո հիմա ինչպես եք շարունակում պաշտոնավարել որպես դատավոր»,- դիմելով դատավոր Մնացական Մարտիրոսյանին՝ ասաց Ավետիք Չալաբյանի պաշտպաններից Արմեն Անդրիկյանը, որը ներկայացնում էր դատավոր Մնացական Մարտիրոսյանին ներկայացրած միջնորդության հիմքերը։ Երևանի ընդհանուր իրավասության դատարանը, դատավոր Մնացական Մարտիրոսյանի նախագահությամբ, 2010 թվականին , հիշեցնենք, Փաշինյանին մեղավոր ճանաչեց զանգվածային անկարգություններ կազմակերպելու համար ու նրան դատապարտեց 7 տարվա ազատազրկման: Նա նաև մեղադրվում էր իշխանության ներկայացուցչի նկատմամբ բռնություն գործադրելու համար, սակայն այս դրվագով արդարացվեց: Փաշինյանը Մարտի 1-ի գործով անազատության մեջ մնաց ամիսներ շարունակ, ապա և համաներմամբ ազատ արձակվեց։ Մարդու իրավունքների Եվրոպական դատարանը (ՄԻԵԴ) հետագայում ճանաչել էր 2008-ի ընտրություններից հետո Փաշինյանի իրավունքների խախտումը։ ՄԻԵԴ-ը հրապարակած վճռով եզրահանգել էր, որ 2008-ի հետընտրական արյունալի իրադարձությունների ժամանակ Հայաստանի կառավարությունը խախտել է այն ժամանակ ընդդիմադիր գործիչ Նիկոլ Փաշինյանի՝ ազատության և անձնական անձեռնմխելիության, ինչպես նաև խաղաղ հավաքներ անցկացնելու իրավունքները։
Կարծիքներ