Հրազդանի ցեմենտի գործարանը կանգ չի առնի եւ կաշխատի մինչեւ պրոցեսի ավարտը
Չնայած Հայաստանում արտակարգ դրությանը, եւ խիստ սահմանափակումներին, Հրազդանի ցեմենտի գործարանը աշխատում է: Երեկոյան ժամերին փոշով պատվում է գործարանի կից Կաքավաձոր թաղամասը: Գործարանից հավաստիացնում եմ, որ փոշի չի, այլ՝ գոլորշի է, իսկ գործարանը էլ՝ կաշխատի մինչեւ պրոցեսի ավարտը: Թե ինչո՞ւ են որոշել գործարանն այս օրերին աշխատացնել, արդյո՞ք Հայաստանում ցեմենտի խիստ պակաս կա, քանի՞ աշխատակից է աշխատում գործարանում, եւ ի՞նչ պայմաններ են ապահովվել աշխատակիցների համար, զրուցեցինք «Հրազդան ցեմենտ քորփորեյշն» ՍՊԸ-ի տնօրեն Վարդան Գաբրիելյանի հետ:
- Պարո՛ն Գաբրիելյան քանի՞ աշխատակից է աշխատում գործարանում, եւ ի՞նչ պայմաններ են ապահովվել աշխատակիցների համար:
-Մենք ունենք 300 աշխատողներ, բայց այսօր աշխատանում են 40-ը: Պահպանել ենք սանիտարահիգենիկ բոլոր պայմանները: Աշխատակիցները ամեն օր ստանում են դիմակներ եւ ձեռնոցներ: Ամեն առավոտյան ջերմաչափում ենք աշխատակիցներին: Ախտահանում ենք գործարանի տարածքը, ավտոբուսը: 57 հա բացօթյա տարածքում աշխատում են 40 աշխատողներ: Նրանք վառարանն են հսկում, վառարանը չենք կարող անջատել, մինչե պրոցեսը վերջանա:
-Երբ կավարտվի՞ այդ պրոցեսը:
-Դա կլինի մոտ ապրիլի 5-ը:
-Հայաստանում ցեմենտի պահանջարկ կա՞, որ արտակարգ իրավիճակում աշխատում է գործարանը:
-Այս պահին չկա, շինարարություն էլ չկա:
-Աշխատավարձի պա՞րտք ունի գործարանը:
-Աշխատավարձի պարտք չունի, բայց հետաձգված աշխատավարձ ունի 1 ամսվա, եւ մի քանի օրվա:
-Պարապուրդի մեջ գտնվող մյուս աշխատակիցները վարձատրվո՞ւմ են:
-Այո՛, աշխատավարձի 2/3-ի չափով:
-Գործարանում պետք է նոր ֆիլտրեր պետք է տեղադրվել: Ֆիլտրերը տեղադրվե՞լ է, թե՞ առանց ֆիլտրերի է աշխատում, քանի որ փոշին ամենուր է:
-Մենք ֆիլտրերը փոխել ենք, այս ֆիլտրերը առաջին անգամ ենք են աշխատում, ծուխ դուրս չի գալիս, դա գոլորշի է:
-Արտադրված ցեմենտի գինը կբարձրանա՞:
-Գնի բարձրացում չի լինի, ամեն դեպքում շուկան կթելադրի գինը:
-Ապրիլի 5-ին երբ դադարի գործարանի աշխատանքը, կրկին ե՞րբ կսկի աշխատել:
-Երբ կվաճառենք արտադրված ցեմենտը, այդ ժամանակ էլ՝ նորից կսկենք աշխատել:
Կարծիքներ