Փաշինյանին հեռացնելու պահանջով «Արյունոտ ծաղրածու» նախագծի հեղինակները Ջաջուռում են
Նիկոլ Փաշինյանի հեռացման հետ կապված «Արյունոտ ծաղրածու» նախագծի հեղինակներ՝ գյումրեցի ընդդիմադիր գործիչներ Կարապետ Պողոսյանը և Մկո Վարդանյանը Շիրակի մարզի Ջաջուռ գյուղ են հասել։
Այս նախագծի մասնակիցները պայուսակի մեջ են դնում իմքայլականների հետ կապված տարբեր խորհրդանշական իրեր՝ «Հպարտ քաղաքացու անձնագիր», «Սահմանադրություն» (ցեխոտ վիճակում, որը խորհրդանշում է իմքայլականների կողմից Սահամանադրութան ոտնահարումը), Արցախի կորսված հատվածից հետո նոր քարտեզը և այլն։ Պողոսյանը և Վարդանյանը շրջում են այն երթուղով, որով 2018-ին անցել է Փաշինյանը՝ ապրիլյան իշխանափոխության գործընթացի ժամանակ։
«Մենք Ջաջուռում ենք։ Ջաջուռն ինձ մոտ միշտ ասոցացվել է Մինաս Ավետիսյանով, բայց վերջին 3 տարին կասոցացվի նաև կապիտուլյանտով [Փաշինյան]։ Առաջին ասուլիսը կամ լրագրողների հետ հարցազրույցը հայտնի կապիտուլյանտը տվեց էս վայրում՝ նստած, խորհրդավոր», - իր ֆեյսբուքյան էջում հրապարակված տեսաուղերձում ասում է Կարապետ Պողոսյանը։
Ընդդիմադիր գործիչը հիշեցնում է Փաշինյանի խոսքերը, որ «ժողովուրդ, ես ոչ մեկին չեմ քցում»։ «Բայց արդյունքում բոլորս քցված ենք։ Շարունակում ենք քցվել։ Նույնիսկ էս պահին մեզ քցում է ինքը։ Ու կշարոնակի քցել էնքան ժամանակ, քանի դեռ ինքը վարչապետ է», - նշեց ընդդիմադիր գործիչը։
«Ուրեմս՝ Արցախս ծախած, Հայաստանի սահմանները ՋիՓիԷս-ով գծած ու նեղցրած, ժողովրդիս մասնատած՝ նախկին-ներկա, սևի-սպիտակի, Նիկոլօղլին, չի կրնա վարչապետ մնալ», - ասաց Վարդանյանը։
Կարծիքներ